Türkiyə Ordusu şəhid verib

Türkiyə Ordusunun zabiti Buğra Çalqay "Pence-Kilit" əməliyyatı bölgəsində avtomobil qəzası nəticəsində şəhid olub.

"Operativ Media" xəbər verir ki, bu barədə Türkiyənin Milli Müdafiə Nazirliyi məlumat yayıb. 

Nazirlikdən verilən açıqlamada aşağıdakı sözlər yer alıb:

"Pence-Kilit" əməliyyatı bölgəsində 29 avqust 2023-cü ildə qəhrəman silahdaşımız Baş Çavuş Buğra Çalqay avtomobil qəzası nəticəsində ağır yaralanıb. Dərhal xəstəxanaya aparılıb. Edilən bütün müdaxilələrə baxmayaraq, onu xilas etmək mümkün olmayıb və şəhid olub.Bu hadisədə həyatını itirən əziz şəhidimizə Allah rəhmət eləsin, kədərli ailəsinə, Türk Silahlı Qüvvələrinə və soylu millətimizə başsağlığı və səbr diləyirik".