Rusiyanın qəzaya uğrayan kosmik gəmisi Aya ziyan vurub

Rusiyanın Ayda uğursuz səfərinin səbəb olduğu dağıntılar məlum olub. 

"Operativ Media" xəbər verir ki, Amerika Milli Aeronavtika və Kosmik Tədqiqatlar İdarəsinin (NASA) paylaşdığı görüntülərdə "Luna-25"in Aydakı qəzası nəticəsində yaranan dağıntı üzə çıxıb. 

NASA-nın əldə etdiyi görüntülərdə kosmik gəminin qəzaya uğramasından sonra 10 metr enində kraterin əmələ gəldiyi görülür.

NASA-nın açıqlamasında deyilir: "Yeni krater aşkar edilib. Onun diametrinin 10 metr olduğu görünür. Rusiyanın uğursuz cəhdinin buna səbəb olduğu düşünülür, çünki yeni krater "Luna-25"in qəzaya uğradığı yerə yaxındır".

Qeyd edək ki, Rusiya  47 il sonra Aya "Luna-25" adlı kosmik gəmi göndərib, lakin avqustun 19-da peyk nəzarətdən çıxıb və Aya çırpılıb.