Zelenskiyə dəstək verən oliqarx saxlanılıb

Ukraynalı oliqarx İqor Kolomoyski dələduzluq ittihamı ilə saxlanılıb.

"Operativ Media" xəbər verir ki, bu barədə Ukrayna Təhlükəsizlik Xidməti (SBU) məlumat yayıb. 

"İhor Kolomoiskinin 2013-2020-ci illər arasında bank qurumlarının infrastrukturundan istifadə edərək yarım milyarddan çox Ukrayna qrivnasını (13,5 milyon dollar) xaricə köçürdüyü müəyyən edilib. Baş Prokurorluğun nəzarəti altında aparılan ibtidai istintaq davam etdirilir", - məlumatda qeyd edilib.

Qərb mediası Kolomoyskinin 2019-cu ildəki seçki kampaniyasında Ukrayna prezidenti Volodimir Zelenskini dəstəkləyənlərdən biri olduğu barədə təfərrüatları paylaşıb.

Digər tərəfdən, ABŞ Maliyyə Nazirliyi 5 mart 2021-ci ildə Kolomoyskiyə sanksiya tətbiq edib.