Azərbaycan Mərkəzi Bankı Dünya Bankı ilə gələcək əməkdaşlığı müzakirə edib

Azərbaycan Mərkəzi Bankı (AMB) Dünya Bankı ilə gələcək əməkdaşlıq perspektivləri və həyata keçirilən texniki yardım layihələri müzakirə edilib.

"Operativ Media" xəbər verir ki, bu barədə AMB-nin sədri Taleh Kazımov "X" sosial şəbəkəsindəki hesabında yazıb.

“Bu gün Dünya Bankının vitse-prezidenti Antonella Bassani ilə görüşdük. Görüş zamanı Dünya Bankının Azərbaycandakı cari fəaliyyəti və yeni Ölkə Tərəfdaşlıq Çərçivəsinin (2024-2028) hazırlanması, yeni investisiya layihələrinin maliyyələşdirilməsi istiqamətində müzakirələr apardıq”, - deyə T. Kazımov qeyd edib.