OPEC+-ın neft hasilatını azaltmaq qərarına baxmayaraq, neft qiymətləri enməkdə davam edir.
"Operativ Media" xəbər verir ki, Londonun ICE birjasında Brent markalı neftin fevral fyuçerslərinin qiyməti 0,82% ucuzlaşaraq 78,26 dollar/barelə bərabər olub. WTI markalı neftin yanvar fyuçersləri 0,82% ucuzlaşaraq 73,4 dollar/barelə bərabər olub.
Qeyd edək ki, noyabrın 30-da keçirilən OPEC+ görüşündən sonra bir sıra hasilatçı ölkələr tələbatın mövsümi azalması səbəbindən neft qiymətlərində mümkün azalmaların qarşısını almaq üçün 2024-cü ilin birinci rübündə hasilatı daha da azaltmaq barədə razılığa gəliblər.
