Əziz Ələkbərli: “Ermənistanda bir nəfər də olsun azərbaycanlı yoxdur“

"Ermənistanın etnik təmizləmə siyasəti nəticəsidə bu gün Ermənistanda bir nəfər də olsun azərbaycanlı qalmayıb".

"Operativ Media" xəbər verir ki, bunu "Ermənistandan didərgin salınmış azərbaycanlıların təhlükəsiz şəkildə və ləyaqətlə geri qayıdışını təmin etmək: Qlobal kontekst və ədalətli həll" mövzusunda Beynəlxalq Konfransın açılış mərasimində çıxış edən Qərbi Azərbaycan İcmasının İdarə Heyətinin sədri, Azərbaycan Respublikası Milli Məclisinin deputatı Dr. Əziz Ələkbərli bildirib.

O, qeyd edib ki, Ermənistan qəbristanlıqlarımızı, mədəni və dini abidələrimizi məqsədli şəkildə məhv edib:

"Ermənistan hökuməti Azərbaycan mədəni irsinin qiymətləndirilməsi məqsədilə UNESCO-nun missiyasının Ermənistana göndərilməsinə imkan vermir".

“Biz Ermənistandakı müqəddəs yerlərimizi ziyarət edə bilməyimizə yardım etmək xahişi ilə dinlərarası dialoqun sadiq müdafiəçisi olan Papa Həzrətləri Fransiskə müraciət göndərmişik. Bundan əvvəl isə biz oxşar xahişlə Avropa İttifaqına (Aİ) müraciət etmişdik. Təəssüf ki, Avropa İttifaqı bizim dini və mədəni abidələrin dağıdılması və ziyarət hüququmuz məsələsinə tam etinasızlıq nümayiş etdirib", - qeyd edib.

Nərmin Qocamanova