2023-cü ilin yanvar-sentyabr aylarında Rusiya ilə Birləşmiş Ərəb Əmirlikləri arasında ticarət dövriyyəsi ötən ilin eyni dövrü ilə müqayisədə 63% artıb.

"Operativ Media" xəbər verir ki, bu barədə Rusiya prezidentinin köməkçisi Yuri Uşakov jurnalistlərə bildirib.

"BƏƏ Rusiyanın ərəb dünyasındakı əsas xarici iqtisadi tərəfdaşıdır. 2022-ci ildə qarşılıqlı ticarət dövriyyəsi tarixi maksimumunu təzələyərək rekord həddə - 9 milyard dollara çatıb. Bu ilin yanvar-sentyabr aylarında artıq 8,8 milyard dollara çatıb. BU ötən ilin analoji dövrünün göstəriciləri ilə müqayisədə 63% təşkil edib”, - Uşakov bildirib.