Azərbaycan və EBRD arasında ikitərəfli əməkdaşlığın perspektiv prioritetləri müzakirə olunub

İqtisadiyyat naziri Mikayıl Cabbarov Avropa Yenidənqurma və İnkişaf Bankının birinci vitse-prezidenti Yurgen Riqterink ilə görüşüb.

"Operativ Media" xəbər verir ki, bu barədə M.Cabbarov "X"də bildirib.

"Birləşmiş Krallığa səfərimiz çərçivəsində Avropa Yenidənqurma və İnkişaf Bankının birinci vitse-prezidenti Yurgen Riqterink ilə görüş zamanı ölkəmizlə ikitərəfli əməkdaşlığın perspektiv prioritetləri, bərpa olunan enerji, özəl sektorun dəstəklənməsi və informasiya texnologiyaları ekosisteminin təkmilləşdirilməsi sahəsində birgə fəaliyyətin genişləndirilməsi imkanlarını nəzərdən keçirdik", - nazir qeyd edib.