Banqladeşdə sərnişin qatarı yandırılıb

Banqladeşdə etirazçılar içərisində ana və uşağın da olduğu qatarın vaqonlarını yandırıblar.

“Operativ Media” "Reuters"ə istinadən xəbər verir ki, hadisə nəticəsində biri uşaq olmaqla 4 nəfər yanaraq həyatını itirib.

Məlumata görə, 3 yaşlı uşağın cansız bədəni anası ilə bir yerdə tapılıb. Faktla bağlı araşdırma aparılır.

Qeyd edək ki, etirazçılar gələn ay keçiriləcək ümumi seçkilər ərəfəsində hökumətin istefaya getməsini tələb edirlər.