"İran və Azərbaycanın yeni sərhəd keçid məntəqəsində yük maşınlarının axını artacaq"

"Astara sərhədində yeni terminalın açılışından və müvəqqəti sahənin yaradılmasından sonra yük maşınlarının hərəkət intensivliyi artacaq".

"Operativ Media" xəbər verir ki, bunu "Mehr" Agentliyinə İranın Astara - Gilan gömrük nəzarətçisi Sadiq Bərzəgər deyib.

"Köhnə terminalda hərəkəti azaltmaq üçün müqaviləyə əsasən bizim soyuducu yük maşınlarının yeni terminaldan yola salınması da həyata keçirilib və hər gün bu terminaldan 40-dan 50-dək soyuducu yük maşını keçib.

Yeni terminaldan yük maşınlarının buraxılışının artırılması razılaşdırılıb və qərara alınıb ​​ki, 100-ə qədər yük maşını buradan keçsin. Əvvəllər bütün nəqliyyat köhnə sərhəddən keçirdi".

O əlavə edib ki, gün ərzində yeni terminaldan 150-ə yaxın yük maşınının keçməsi razılaşdırılıb ki, bu da işləri daha da sürətləndirir.

"Azərbaycan Respublikası gömrük orqanları ilə əməkdaşlıq sayəsində sərhəddə qəbulun artırılması və daha da sürətləndirilməsi reallaşacaq".