Yanvarın 14-nə Azərbaycan Rusiyaya 2,1 milyon ədəd toyuq yumurtası tədarük edib.

“Operativ Media” xəbər verir ki, bu barədə “Rosselxoznadzor”un mətbuat xidməti məlumat yayıb .

“Yanvarın 13-ü və 14-də Rusiyaya Azərbaycandan 55,72 ton (918 min ədəd) həcmində ərzaq yumurtasının növbəti partiyaları gətirilib. Bu gün, yəni yanvarın 14-nə Azərbaycandan 2,1 milyon ədəd yumurta daxil olub”, - deyə məlumatda qeyd edilib.

Qeyd edək ki, ötən ilin dekabrında yumurta Rusiyada ən bahalı məhsullardan birinə çevrilib. Ölkənin 46 regionunda yumurtanın qiyməti 10-20% bahalaşıb. Rusiya prezidenti Vladimir Putin bunu tələbatın artması ilə əlaqələndirib. Türkiyə, Azərbaycan və Belarus Rusiyaya yumurta tədarük etməyə hazır olduqlarını bəyan ediblər.

Sadiq Cavadov