"Bayer" "Qarabağ"la matçın biletlərini satışa çıxarır

UEFA Avropa Liqasının 1/8 final mərhələsinin cavab oyunu çərçivəsində "Bayer 04" Azərbaycanın "Qarabağ" klubunu qəbul edəcək. Matç cümə axşamı, martın 14-də  "BayArena"da keçiriləcək. 

"Operativ Media" Almaniya klubunun rəsmi saytına istinadən xəbər verir ki, "Bayer" klub üzvləri və abunə sahibləri üçün eksklüziv satışlar 27 Fevral Çərşənbə axşamı günü saat 12:00-da başlayacaq.

Hələlik ümumi azarkeşlər üçün satışda biletlər olmayacaq. Biletlərin qiyməti 8-50 avro arasında olacaq.

Qeyd edək ki, cavab matçı martın 14-də baş tutacaq. İlk görüş isə ayın 7-də Tofiq Bəhramov adına Respublika stadionunda olacaq