"Qarabağ" - "Bayer" oyununun hakimləri bəlli oldu

Avropa Liqasının 1/8 final mərhələsində keçiriləcək “Qarabağ” – “Bayer” (Almaniya) oyununun hakimləri açıqlanıb.

"Operativ Media" xəbər verir ki, görüşü Fransadan olan hakimlər briqadası idarə edəcək.

Qarşılaşmada Benoit Bastien ədaləti qoruyacaq. Ona Hiçam Zakrani və Aurelien Bertomieu kömək edəcəklər. Dördüncü hakim Ceremi Piqnard, VAR hakimi Benoit Millot olacaq. Ona Erik Uattelye kömək edəcək.

Matçın hakim-inspektoru İçko Lozevdir (Bolqarıstan).

Qeyd edək ki, martın 7-də Tofiq Bəhramov adına Respublika stadionunda keçiriləcək oyun saat 21:45-də başlayacaq