Dani Alveşin intihar xəbəri təkzib edildi - YENİLƏNİB

Dünən gecə braziliyalı futbolçu Dani Alveşin intihar etdiyi barədə məlumat yayılıb. Belə ki, onun həbsxanada canına qəsd etdiyi haqda informasiyalar yayılıb.

"Operativ Media" xəbər verir ki, ancaq tezliklə bu xəbər futbolçunun yaxınları tərəfindən təkzib edilib. Alveşin mətbuat xidməti onun vəkili ilə əlaqə saxladıqdan sonra açıqlama verərək bu şayiələrin doğru olmadığını bildirib. Vəkil xəbəri sosial şəbəkədə yayıb bütün dünyaya səhv informasiya ötürən braziliyalı jurnalist Paulo Albuquerqueni məhkəməyə vrəcəklərini söyləyib.

Xatırladaq ki, Alveş cinsi təcavüzdə təqsirli bilinərək 4 il yarım müddətinə azadlıqdan məhrum edilib

05:56

***

Braziliyalı jurnalist Albukerke "Barselona"nın və Braziliya millisinin sabiq müdafiəçisi Dani Alveşin həbsxanada intihar etdiyi barədə məlumat yayıb.

"Operativ Media" xəbər verir ki, bu iddianı 500 mindən çox izləyicisi olan "BBO Sports" da "X" sosial şəbəkəsindəki hesabında paylaşıb.

Hələlik Braziliyanın əsas mətbuat orqanları iddianın doğru və ya yalan olması barədə məlumat yaymayıb. 

Xatırladaq ki, ötən ilin yanvarında Alveş Barselonadakı "Sutton" gecə klubunda bir qıza təcavüz etməkdə ittiham olunub. Yanvarın 20-də keçmiş futbolçu nəzarətə götürülüb. Daha sonra Alveş 4,5 il müddətinə azadlıqdan məhrum edilib və həmçinin zərərçəkənə mənəvi təzminat olaraq 150 min avro ödəməyə məhkum edilib. Eyni zamanda, İspaniya prokurorluğu Alveşin 4,5 ildən artıq müddətə həbs olunmalı olduğunu düşünərək məhkəmənin qərarından apellyasiya şikayəti verməyi planlaşdırırdı.