UEFA Avropa Liqasının 1/8 final mərhələsində “Bayer 04” və “Qarabağ” komandaları arasında keçiriləcək cavab oyununun hakimləri bəlli olub.

"Operativ Media" xəbər verir ki, matçın baş hakimi ingiltərəli Entoni Teylor olacaq.

FIFA referisinə Teylora Qari Besvik və Adam Nunn köməklik göstərəcək. Dördüncü hakim funksiyasını Endryu Madli yerinə yetirəcək. VAR-da Stuart Attvell, AVAR-da Jarred Gavan Gillett əyləşəcək.

Qeyd edək ki, Leverkuzendəki qarşılaşma martın 14-də, Bakı vaxtı ilə saat 00:00-da başlayacaq. Bakıdakı ilk matç 2:2 hesabı ilə nəticələnib.