"Kəpəz" klubu bəyanat yaydı

"Kəpəz" klubu son günlər sosial mediada paylaşılan sponsorluq mövzusu ilə bağlı bəyanat yayıb.

"Operativ Media" həmin bəyanatı təqdim edir.

"Son iki gün ərzində klubumuzun sponsor tərəfindən himayəyə götürülməsi barədə mətbuatda yazılar verilir. Media nümayəndələrinin və azarkeşlərimizin diqqətinə çatdırırıq ki, bununla bağlı olaraq klubumuza heç bir rəsmi müraciət, əməkdaşlıq təklif olunmayıb. Bu cür əsassız məlumatların mediada əks olunması klubumuzun azarkeşlərini narahat edir. Bu mövzuda ictimaiyyəti tələsməməyə çağırırıq. Tərəfimizdən bildiririk ki, hər hansı bir görüş və ya razılıq əldə olunacağı təqdirdə klub saytı vasitiəsilə əlavə məlumat veriləcək".