Almaniya Bundesliqa komandalarından olan "Ştutqart"da çıxış edən Mahmud Dahoud doğulduğu ölkə Suriya Milli komandasında oynamağa başlayacağını açıqlayıb.

"Operativ Media" xəbər verir ki, Almaniya millisində iki dəfə oynamış 28 yaşlı yarımmüdafiəçi "Sky"a müsahibəsində qərarını açıqlayıb.

Dahoud, "Suriya üçün oynamaq fikrində çox tez qərar verdim" deyərək münasibət bildirib.

Suriya Futbol Federasiyasının vitse-prezidenti Əbdülrəhman Əl-Xatib, "Radial Sports" televiziya proqramında Dahudun namizədliyinə işarə etmişdi. Milli komandanın baş məşqçisi Hektor Kuper Asiya Dünya Çempionatının seçmə mərhələsində Myanma ilə matçlar üçün heyətini hələ açıqlamasa da, Dahoudun heyətdə ola biləcəyi gözlənilir.