"Qarabağ"ın U-14 komandası beynəlxalq turnirin qalibi oldu

“Qarabağ”ın 14 yaşadək futbolçulardan ibarət komandası Belarusun paytaxtı Minskdə təşkil olunan “Bizim gələcəyimiz” turnirində son oyununu keçirib.

"Operativ Media" xəbər verir ki, Asif Əlizadənin baş məşqçisi olduğu U-14 komandası finalda Belarusun BATE komandası ilə görüşüb.

Ağdam təmsilçisi bu qarşılaşmada 1:0 hesabı ilə qalıb gəlib. Yeganə qolu 28-ci dəqiqədə Cavidan Əlizadə vurub. Bu qələbə ilə “Qarabağ” turnirin çempionu olub.