"Turan Tovuz" "Sabah"ı əliboş yola saldı

Azərbaycan Premyer Liqasında 29-cu turun oyunları keçirilir.

"Operativ Media" xəbər verir ki, ikinci oyun günündə ilk qarşılaşması Tovuzda baş tutub.

Burada yerli “Turan Tovuz”la “Sabah” komandaları qarşılaşıblar. Oyun meydan sahiblərinin inamlı qələbəsiylə yekunlaşıb.

Çempionluğu təmin etmiş “Qarabağ” isə bu gün “Səbail”i sınağa çəkəcək.

Xatırladaq ki, turun ötən gün baş tutmuş ilk oyununda “Araz-Naxçıvan” “Kəpəz”ə uduzub – 1:2. “Zirə” – “Qəbələ” və “Neftçi” – “Sumqayıt” oyunları sabah keçiriləcək.

Azərbaycan Premyer Liqası

29-cu tur

6 aprel

“Turan Tovuz” – “Sabah” 2:0

Qollar: Aleks Souza, 26. Otto Con, 82.

Hakimlər: Əliyar Ağayev, Zeynal Zeynalov, Akif Əmirəli, Kamal Umudlu.

Tovuz şəhər stadionu, 16:00