Azərbaycanlı idmançı Rusiyada çempion oldu - Qran-pri kəməri qazandı

6 aprel 2024 cü ildə Rusiyanın Nijniekamski şəhərində peşəkarlar arasinda K1 versiyasi üzrə "Tatfight" qran-prisi təşkil olunub.

"Operativ Media" xəbər verir ki, Azərbaycanı bu yarışda 65 kq çəki dərəcəsində Rəvan Ağazadə təmsil edib. Rəvan ilk görüşdə rusiyali idmançı Jirnov Filipə tam üstünlüklə qalib gələrək finala yüksəlib.

Finalda yerli idmançı Musin Danil ilə qarşılaşan azərbaycanlı döyüşçü ekstra raundda rəqibinə qalib gələrək "Tatfight" kəmərinə sahib çıxıb.

Rəvan Ağazadə yaxın zamanda kəmərin müdafiəsi üçün döyüşəcək.

Qeyd edək ki, Rəvan Ağazadə Zabit Səmədov döyüş məktəbinin yetirməsidir.