Mbappe: "Böyük görüşlərin vaxtıdır və mən hazıram, gizlənmək fikrim yoxdur"

Fransa çempionu PSJ-nin fransalı hücumçusu Kilyan Mbappe İspaniya çempionu "Barselona" ilə qarşılaşma haqda danışıb.

"Operativ Media"  "Telefoot"a istinadən xəbər verir ki, komandalar Çempionlar Liqasının 1/4 final mərhələsində üz-üzə gələcək.

“Böyük görüşlərin vaxtıdır və mən hazıram, gizlənmək fikrim yoxdur. Əvvəlki matçların dinamikasını nəzərə alsaq, əminəm ki, biz özümüzü ən yaxşı tərəfdən göstərəcəyik. Son nəticə Allahın əlindədir.

Mövsümün həlledici mərhələsi başlayır. Aprelin sonunda mövsümün komandamız üçün necə keçəcəyini anlamaq mümkün olacaq” deyə bildirib.

PSJ və "Barselona" arasında ilk oyun aprelin 10-da Parisdə keçiriləcək və Bakı vaxtı ilə saat 23:00-da başlayacaq.