Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb

Qrup hərəkətləri üzrə Azərbaycan komandası bədii gimnastika üzrə çoxnövçülük üzrə Dünya Kubokunda bürünc medal qazanıb.

"Operativ Media" xəbər verir ki, Güllü Ağalarzadə, Kamilla Əliyeva, Yelizaveta Luzan, Daria Sorokina, Ləman Əlimuradova və Zeynəb Hümmətovanın daxil olduğu Azərbaycan komandası 69.050 xalla (iki proqram üzrə ümümi xal – beş halqa ilə, həmçinin üç lent və və iki topla) üçüncü yeri tutub.

Çoxnövçülükdə birinci yeri İspaniya komandası (70,450 xal), İtaliya komandası ikinci yerdə (70,150 xal) qərarlaşıb.

Qeyd edək ki, aprelin 19-21-də Bakıda Milli Gimnastika Arenasında bədii gimnastika üzrə Dünya Kuboku yarışları keçirilir.