Taliban: Qızların mühəndislik və kənd təsərrüfatı sahəsində təhsil alması İslam qaydalarına və Əfqanıstan mədəniyyətinə ziddir

Əfqanıstandakı Taliban rəhbərliyi universitetlərdə qız tələbələrinin təhsilinin dayandırılması ilə bağlı qadağanı müdafiə edib.

"Operativ Media" xəbər verir ki, Ali Təhsil Nazirinin müavini Nida Məhəmməd Nedim, bu qərarın baş örtüyü, birgə təhsil, səyahət və yerləşmə kimi problemlərə görə verildiyini bildirərək, "Məqsədimiz qız uşaqlarını təhsildən məhrum etmək deyil" deyə bildirib.

Əfqanıstandakı müvəqqəti Taliban hökumətinin ali təhsil nazirinin müavini Nida Məhəmməd Nedim qadın tələbələrin universitetlərdə təhsilinin dayandırılmasına səbəb kimi  baş örtüyü taxmaq, birgə təhsil, səyahət və yerləşmə kimi məsələlərdə gördükləri problemləri göstərib.

Nedim, Əfqanıstan Dövlət Televiziyasında verdiyi bir açıqlamada, Taliban rəhbərliyinin ali təhsil sahəsində gətirdiyi qaydaların lazımi şəkildə həyata keçirilmədiyini müdafiə edib.

Nedim, “Universitetlərdə qızların örtünmə qaydalarına əməl etmədiyini, qadağaya baxmayaraq bəzi universitetlərdə karma təhsilin hələ də davam etdiyini, qız tələbələrin universitet təhsili üçün müxtəlif vilayətlərə gedib orada ailəsi olmadan yaşamasının uyğun olmadığını bildirib. ya da hər hansı bir 'xüsusi' və buradakı yataqxanalarda qaldığını və bəzi universitetlərdə qız tələbələrin təhsil almağının uyğun olmadığını bildirib.

Kənd təsərrüfatı və mühəndislik kimi bəzi fakültələrdə qızların təhsilinin "İslam qaydalarına və əfqan ənənələrinə zidd" olduğunu iddia edən Nedim, "Məqsədimiz qızları təhsildən məhrum etmək deyil. Universitetlərdəki problemlərin həlli istiqamətində işlər davam etdirilir " deyə qeyd edib.

Nedim, tətbiq edilən beynəlxalq reaksiyalara “daxili işlərimizə qarışmasınlar” deyə bildirub.

Qız və oğlanların təhsil aldıqları mədrəsələrlə bağlı yeni qərarın gündəmdə olmadığını, mədrəsələrin də fəaliyyətlərini davam etdirəcəklərini bildirib. 

Qeyd edək ki, Taliban administrasiyası ötən gün universitetlərdə qız tələbələrin təhsilinin qeyri-müəyyən vaxta qədər dayandırıldığını açıqlayıb.