Turan Manafov Slovakiya klubuna keçir? - AÇIQLAMA

"Araz-Naxçıvan" klubunun futbolçusu Turan Manafov karyerasını ölkə xaricində davam etdirə bilər.

Mətbuatda gedən xəbərlərə görə onunla Türkiyə klubları ilə yanaşı Slovakiyanın "Spartak" klubu da maraqlanır.

Məlumatı dəqiqləşdirmək üçün futbolçu ilə əlaqə saxladıq. 

Turan Manafov "Operativ Media"ya verdiyi açıqlamada təkliflərin olduğunu təsdiqləyib.

"Bəli təkliflərim var. Hal-hazırda bu məsələ ilə menecerim məşğul olur. Mövsüm bitdikdən sonra qərarımı verəcəm".

Qeyd edək ki, Turan Manafov Elmar Baxşıyevin gəlişindən sonra daha az forma şansı tapır.