Səudiyyə Ərəbistanı 1-ci liqası komandası "Əl-Faisali"də çıxış edən Coy-Lens Mikelsin "Sabah"a qayıdacağı ilə bağlı mətbuatda xəbərlər yazılır.

Məlumatı dəqiqləşdirmək üçün "Sabah"ın mətbuat xidməti ilə əlaqə saxladıq.

Klubun mətbuat xidmətinin rəhbəri Elnur Həmidovun "Operativ Media"ya verdiyi açıqlamasında heç bir oyunçu ilə razılıq əldə edilmədiyini bildirib.

"Transferlərlə bağlı məsələlərə qarşıdakı günlərdə aydınlıq gələcək. Hələ ki, heç bir oyunçu ilə anlaşma əldə edilməyib. Hər hansı futbolçu ilə rəsmi razılıq əldə olunsa, bu barədə rəsmi səhifələrimiz vasitəsilə ictimaiyyətə ətraflı məlumat veriləcək".

Qeyd edək ki, Mikels 2023-cü ilin yayında komandanı tərk etmişdi.