İsmail Kartaldan sonra Joze Mourinyonu baş məşqçi postuna gətirən "Fənərbağça"nın edəcəyi transferlər artıq maraq doğurur.

"Operativ Media" "Milliyet"ə istinadən xəbər verir ki, heyətinə bəzi ulduz futbolçuları qatacağı gözlənilən "Fənərbağça" üçün Rahim Sterlinq iddiası ortaya atılıb.

"Fənərbağça" Rahim Sterlinqlə prinsipial razılığa gəlib.

Ötən mövsüm 43 matçda meydana çıxan Sterlinq 10 qol vurub, 8 məhsuldar ötürmə edib.

"Çelsi" 2022-23 mövsümünün əvvəlində "Mançester Siti"dən Rahim Sterlinqi 56,2 milyon avroya transfer edib.

29 yaşlı vingerin "Çelsi" ilə daha 3 illik müqaviləsi var.