http://operativmedia.az/frontend/img/svg/proqnozu.svg
Bakı 18 ° C

79-cu Venesiya Film Festivalının qalibləri açıqlanıb

12 Sentyabr 2022 , 08:45
79-cu Venesiya Film Festivalının qalibləri açıqlanıb

İtaliyanın Venesiya şəhərində keçirilən ənənəvi Film Festivalı başa çatıb.

Festival çərçivəsində avqustun 31-dən sentyabrın 10-dək Palazzo del Casino və Lido di Venezia salonlarında dünya kinosunun yeni əsərləri ictimaiyyətə təqdim olunub. Festival müxtəlif qitələrdə çəkilmiş bir neçə filmin nümayişi ilə açılıb. Müsabiqədə dünyanın müxtəlif ölkələrindən ümumilikdə 23 ekran əsəri nümayiş etdirilib.

Amerikalı aktrisa və yazıçı Culian Murun sədrlik etdiyi münsiflər heyətinin qərarına əsasən, amerikalı rejissor və sənədli filmlərin prodüseri Laura Poitrasın “Bütün gözəlliklər və qanlar” filmi “Ən yaxşı film” nominasiyasında 79-cu Venesiya Film Festivalının “Qızıl şir” mükafatını qazanıb. İtaliyalı rejissor, prodüser və ssenari müəllifi Luka Quadaqnino isə “Sümüklər və hamısı” filminə görə “Ən yaxşı rejissor” nominasiyasında gümüş mükafata yiyələnib.

Məşhur iranlı rejissor Cəfər Pənahinin “Ayılarsız” filmi münsiflər heyətinin xüsusi mükafatına layiq görülüb.

“Müqəddəs Ömər” filminin rejissoru Alis Diop “Gələcəyin aslanı” mükafatına yiyələnib, italiyalı aktrisa Vera Cemma “Ən yaxşı aktrisa” nominasiyasında qalib olub. İrlandiyalı aktyor Colin Farrell kişilərdə, avstraliyalı aktrisa və prodüser Keyt Blanşett isə qadınlarda “Volpi” kubokunu qazanıb.

Kanadalı gənc aktrisa Teylor Rassl “Sümüklər və hamısı” filmindəki roluna görə inkişaf etməkdə olan gənc aktyor və aktrisalara verilən “Marçello Mastroyanni” mükafatına layiq görülüb.

Festival çərçivəsində 44 günlük Vətən müharibəsi fonunda cərəyan edən hadisələrdən bəhs edən “Banu” filmi də təqdim olunub. Prodüserliyini “Noori Pictures” şirkətinin etdiyi filmin rejissoru və baş rolun ifaçısı Təhminə Rafaelladır. Azərbaycan, İtaliya, Fransa və İranın birgə istehsalı olan ekran işində Əməkdar artist Mələk Abbaszadə, habelə aktyorlar Zaur Şəfiyev, Cəfər Həsən, Kəbirə Həşimli, Emin Əskərov və Dəniz Tacəddin rol alıblar.

79-cu Venesiya Film Festivalına dünyanın müxtəlif ölkələrindən bir çox kino ulduzu qatılıb.

OXŞAR XƏBƏRLƏR
Nizami Gəncəvi Beynəlxalq Mərkəzinin Səudiyyə Ərəbistan Krallığında Ali Səviyyəli Toplantısı baş tutacaq

Nizami Gəncəvi Beynəlxalq Mərkəzinin Səudiyyə Ərəbistan Krallığında Ali Səviyyəli Toplantısı baş tutacaq

Azərbaycanda iki teatra “milli” statusu verilib

Azərbaycanda iki teatra “milli” statusu verilib

Fərhad Bədəlbəyli: “Cənab Prezidentin Böyük Qayıdışla əlaqədar siyasətinin dünyada bənzəri yoxdur”

Fərhad Bədəlbəyli: “Cənab Prezidentin Böyük Qayıdışla əlaqədar siyasətinin dünyada bənzəri yoxdur”

XƏBƏR LENTİ
  • 08:27

    Bakıda hazırda sıxlıq müşahidə olunan yollar açıqlanıb
  • 07:52

    Cəmil Həsənlinin nəvəsinə dəyəri yüz minlərlərlə olan avtomobili kim bağışlayıb? - İDDİA
  • 07:20

    Mbapee vida tədbiri təşkil etdi
  • 06:41

    Blinken: "ABŞ qoşunları sentyabrın 15-dək Nigeri tərk edəcək"
  • 05:58

    Prezident helikopterinin qəzaya uğraması ilə bağlı yeni təfərrüatlar açıqlanıb
  • Dünən
    23:33

    İtalyan baş məşqçi karyerasını bitirdi
  • Dünən
    23:24

    MAQATE rəhbəri mayın 28-də Kalininqrada səfər edəcək
  • Dünən
    23:19

    "Çelsi" baş məşqçini göndərdi
Menyu