Ağcabədidə ölümlə nəticələnən yol-nəqliyyat hadisəsi baş verib

Ağcabədi rayonu ərazisində bu gün rayon sakinləri Ayxan Quliyev və İsa Cəfərovun idarə etdikləri müvafiq olaraq "Mercedes" və "Lada" markalı avtomobillər toqquşub.

Bu barədə "Operativ Media"ya DİN mətbuat xidmətindən məlumat verilib.

Məlumata görə, hadisə nəticəsində "Lada"nın sərnişini Rəşadət Abbasov ölüb, 3 nəfər isə müxtəlif dərəcəli bədən xəsarətləri alaraq xəstəxanaya yerləşdiriliblər.

Faktla bağlı Ağcabədi RPŞ-də araşdırma aparılır.