“Hyundai” ABŞ-dən 226 min avtomobilini geri çağıracaq

"Operativ Media" xəbər verir ki, bu barədə ABŞ Milli Avtomobil Administrasiyası məlumat yayıb.

Geri çağırılan modellər 2021-2022-ci il istehsalı olan "Santa Fe" və "Elantra" avtomobillərini əhatə edir. Açıqlamada, sözügedən model avtomobillərin müvafiq standart tələblərinə cavab vermədiyi vurğulanıb.

Bildirilir ki, bu modellərdə istehsal zamanı zədələnmiş arxa görüntü kamerasının görüntüsü ekranda görünməyə bilər. Bu, sürücünün görmə qabiliyyətini azaltdığı üçün qəza riskini artırır.