Bu il 400-dən çox məhkuma pulsuz hüquqi yardım göstərilib

“Operativ Media” xəbər verir ki, bu barədə Vəkillər Kollegiyasının sədri Anar Bağırov “Vəkil Günü” münasibətilə Vəkillər Kollegiyasının tədbirində çıxışı zamanı deyib.

Anar Bağırov bu sahədə müəyyən layihələrə imza atıldığını bildirib:

"Bu il ARVK ilə Ədliyyə Nazirliyinin Penitensiar və Probasiya xidmətləri arasında imzalanmış birgə Tədbirlər Planına uyğun olaraq 400-dən çox məhkuma vəkillər tərəfindən pulsuz hüquqi yardım göstərilib. Son dövrlər vəkillikdə informasiya və kommunikasiya texnologiyalarının tətbiqinə böyük üstünlük verib”.