Banqladeşdə yük maşını sərnişinləri vurub

Banqladeşin Çattoqram şəhəri yaxınlığında yük maşınının avtobusdan düşərək yol kənarında gözləyən sərnişinləri vurması nəticəsində 5 nəfər ölüb, 4 nəfər yaralanıb.

Operativ Media  xəbər verir ki, bu barədə xarici KİV məlumat yayıb.

Məlumata görə, hadisə Dakka-Çattoqram magistralında baş verib.

“Avtobusda yaranan texniki nasazlıq səbəbindən sərnişinlər nəqliyyat vasitəsindən düşüblər. Yüksək sürətlə hərəkət edən yük maşınının sürücüsü idarəetməni itirərək onlara çırpılıb”, - məlumatda qeyd olunub.