Türkiyədə keçirilən qanunsuz aksiyalarda 1133 nəfər saxlanıldı, 123 polis yaralanıb.

Operativ Media xəbər verir ki, bu barədə Türkiyənin Daxili İşlər Naziri Ali Yerlikaya "X"də paylaşım edib.

Nazir bildirib ki,  19-23 mart 2025-ci il tarixləri arasında ölkədə keçirilən qanunsuz aksiyalarda 1133 nəfər şübhəli saxlanılıb, onlardan bəzilərinin 12 müxtəlif terror təşkilatı ilə əlaqəsi müəyyən edilib.

Nazir vurğulayıb ki, Aksiyalar zamanı 123 polis əməkdaşı yaralanıb. Hüquq-mühafizə orqanları tərəfindən keçirilən əməliyyatlarda turşu (asit), daş, dəyənək, fişəng, molotof kokteyli, baltalar və bıçaqlar ələ keçirilib.