Ərdoğan: Türkiyə və Amerika münasibətləri yeni mərhələyə keçə bilər

Türkiyə Prezidenti Rəcəb Tayyib Ərdoğan ABŞ Prezidenti Donald Trampla görüşü barədə danışıb.

Operativ Media xəbər verir ki, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra çıxışında danışıb.

O bildirib ki, görüş səmimi keçib və tərəflər 100 milyard dollarlıq ticarət həcmi, ticari maneələr və digər məsələləri müzakirə ediblər.

"Trampın ikinci dövründə Türk-Amerika münasibətlərinin fərqli ivmə qazanması mümkündür. İki ölkənin əməkdaşlığını zəiflətmək istəyən lobilərə baxmayaraq, bunu bacaracağımıza inanıram," – deyə Ərdoğan vurğulayıb.

Bundan əlavə, Türkiyə lideri Çanaqqala Zəfərinin 110-cu ildönümü münasibətilə şəhidlərin xatirəsini yad etdiklərini bildirib:

"Çanaqqala Zəfərinin 110-cu ildönümündə ölümsüz qəhrəmanlarımızı bir daha rəhmətlə andıq.", - deyə Ərdoğan bildirib.