Dünən aeroport yolunda baş verən qəzada xəsarət alan şəxslərin vəziyyəti açıqlanıb- VİDEO/YENİLƏNİB

Respublika Təcili və Təxirəsalınmaz Tibbi Yardım Mərkəzinə 05.04.2025-ci il tarixində saat 22:30 radələrində Sabunçu rayonu ərazisindən yol-nəqliyyat hadisəsinin baş verməsi səbəbilə çağırış daxil olub.

Bu barədə Operativ Media-ya TƏBİB-dən xəbər verilib.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 2 nəfər (kişi cinsli) müxtəlif dərəcəli bədən xəsarətləri ilə Sabunçu Tibb Mərkəzinə təxliyə olunub.

Qeyd edilib ki, 1964-cü il təvəllüdlü şəxsə baldırın sınığı diaqnozu ilə zəruri tibbi yardımlar göstərilib. Hazırda Müştərək travma şöbəsində müalicəsi davam etdirilir, vəziyyəti stabildir.

1985-ci il təvəllüdlü şəxsə isə qapalı kəllə-beyin travması ilə zəruri tibbi yardımlar göstərilib və dərhal Cərrahi profilli reanimasiya şöbəsinə yerləşdirilib. Hazırda vəziyyəti ağır stabil qiymətləndirilir.

05.04.2025

23:46

Xəzər rayonu, Aeroport şosesində yol-nəqliyyat hadisəsi qeydə alınıb.

Operativ Media xəbər verir ki, qəza nəticəsində mərkəz istiqamətində nəqliyyat sıxlığı müşahidə olunur.

Hazırda polis əməkdaşları hadisə yerindədir və sıxlığın aradan qaldırılması istiqamətində müvafiq tədbirlər görülür.