ADY: Ələt-Astara dəmir yolu xəttinin tikintisi 2027-ci ilə qədər tamamlanacaq

Ələt-Astara dəmir yolu xətti ilə bağlı tikinti işlərinin 2027-ci ilə qədər tamamlanacağı gözlənilir.

Operativ Media xəbər verir ki, bunu “Azərbaycan Dəmir Yolları” QSC (ADY) sədrinin müşaviri, Tikinti layihələrinin idarə olunması departamentinin rəisi Tural Abbaslı Milli Biznesin İnkişafı Forumunda bildirib.

O qeyd edib ki, Ələt-Astara dəmir yolu xəttinin yenidən qurulması işləri həyata keçirilir:

“Ələtdən Osmanlı istiqamətində olan hissədə cüt xəttli dəmir yolunun yenilənməsi işləri davam edir. Eyni zamanda, Osmanlıdan Astaraya qədər işlər aparılır. Toplam uzunluq 243 kilometr təşkil edir".