Bu ildən dövlət büdcəsinə Qarabağ və Şərqi Zəngəzurdan da gəlirlər daxil olub

“Bu ildən dövlət büdcəsinə artıq Qarabağdan və Şərqi Zəngəzurdan da mədaxillər olmuşdur”.

Operativ Media xəbər verir ki, bunu İqtisadiyyat.az-a müsahibəsində Milli Məclisin Əmək və sosial siyasət Komitəsinin sədri Musa Quliyev deyib.

“Bu bizi sevindirir ki, artıq oradan ildən-ilə büdcəmizə artan vəsaitin daxil olmasını görəcəyik”, - o əlavə edib.

Komitə sədri həmçinin söyləyib ki, Şərqi Zəngəzurun və Qarabağın yenidən qurulması ilə əlaqədar olaraq orada həm də iş yerləri açılır. O xatırladıb ki, oradakı insanların sosial müdafiəsinin təmin olunması üçün qanunvericiliyə də dəyişiklik olub: “Oraya işləməyə gedən, yaxud orada yaşamağa gedən insanlar üçün vergi güzəştləri, sığorta güzəştləri tətbiq olundu, sonra təqaüd və məzuniyyət güzəştləri təqdim olundu, onlara birinci növbədə ucuz, uyğun şərtlərlə kreditlərin verilməsi məsələsi öz həllini tapdı”.

Qeyd edək ki, müsahibənin geniş variantı ilə bu linkdən tanış olmaq mümkündür.