Bu il "Yüksəliş" müsabiqəsinə müraciət edənlərin 60%-ə yaxını dövlət işçisidir

"Beşinci "Yüksəliş" müsabiqəsinə qeydiyyat üçün müraciət edən namizədlərin əksəriyyəti Bakı, Abşeron-Xızı və Qarabağ iqtisadi rayonlarından olub".

Operativ Media xəbər verir ki, bunu Yüksəliş” müsabiqəsinin İşçi Qrupunun rəhbəri Fərhad Hacıyev mətbuat konfransında bildirib.

O, bildirib ki, müsabiqədə iştirak üçün yaş məhdudiyyəti 21-51 yaş arası müəyyən edilib:

"Qeydiyyatdan keçənlər arasında 21 yaşını tamamlamış 106 nəfər, 51 yaşını tamamlamış 33 nəfər namizəd yer alır. Müsabiqəyə müraciət edən namizədlərin 56.48 %-i dövlət sektorunda, 41.05 %-i özəl sektorda, 1.49 %-i qeyri-hökumət təşkilatlarında (QHT), 0.98 %-i isə beynəlxalq qurumlarda çalışır".