Avstraliya Tükiyəyə axtarış-xilasetmə qrupları göndərir

Avstraliyanın baş naziri Entoni Albanese ölkəsinin Türkiyədəki axtarış-xilasetmə işlərinə dəstək olmaq üçün ekspert qrupu göndərəcəyini açıqlayıb.

"Operativ Media" xəbər verir ki, Avstraliya mətbuatında yer alan xəbərə görə, Albanese parlamentin brifinq toplantısında axtarış-xilasetmə qruplarının mümkün qədər tez Türkiyəyə göndərilməsi üçün hazırlıqların davam etdiyini bildirib. 

Albanese, Avstraliya Milli Fövqəladə Halların İdarə Olunması Agentliyi, Yeni Cənubi Uels Dövlət Yanğın Xidməti, Xarici İşlər və Müdafiə nazirliklərinin axtarış-xilasetmə qrupunu göndərmək üçün koordinasiyada işlədiyini bildirib..

Avstraliya hökumətinin qida, sığınacaq və təcili ehtiyacları qarşılayacaq humanitar yardım üçün 10 milyon Avstraliya dolları (təxminən 132 milyon lirə) ayıracağına dair məlumatı paylaşan Albanese, "Bir çox avstraliyalının kömək etmək istədiyini bilirəm. Kömək etməyin ən təsirli yolu Qeyri-hökumət təşkilatları vasitəsilə ediləcək ianələrdir", - o, qeyd edib.