Şimali Koreya Rusiya ilə birlikdə döyüşmək üçün qoşun göndərdiyini təsdiqləyib

Şimali Koreya Rusiya ilə birlikdə döyüşmək üçün əsgər göndərdiyi iddialarından sonra ilk dəfə olaraq, Moskvaya Kursk bölgəsinin alınmasına kömək etmək üçün qoşun göndərdiyini açıqlayıb.

Operativ Media xəbər verir ki, bu barədə Şimali Koreya Mərkəzi Xəbər Agentliyi (KCNA) məlumat yayıb.

Məlumatda qeyd olunub ki, Şimali Koreya ilə Rusiya arasında 2024-cü ildə imzalanan “Hərtərəfli strateji tərəfdaşlıq müqaviləsi”ndən sonra Şimali Koreya  Rusiyaya 12 minə yaxın əsgər göndərib.