Bəzi təhsil müəssisələrində I sinifə qəbul üzrə müsabiqə mərhələsi ləğv olunub

Bəzi təhsil müəssisələrində I sinifə qəbul üzrə müsabiqə mərhələsi ləğv olunub.

Bu barədə Operativ Media-ya MÜTDA-dan məlumat verilib.

Bildirilib ki, “Ankara məktəbi” məktəb-liseyi, 160 nömrəli Klassik gimnaziya, İ.Hacıyev adına “Tərəqqi” texniki-humanitar liseyi üzrə müsabiqə mərhələsi ləğv edilib.

Bu məktəblərə qəbul yalnız prioritet əsasında və sərbəst qaydada aparılacaq.

Digər 6 məktəb (İ.Əfəndiyev adına Elitar gimnaziya, Bakı Slavyan Universiteti nəzdində məktəb-lisey kompleksi, T.Həsənov adına 23 nömrəli tam orta məktəb, 132-134 nömrəli Təhsil Kompleksi, T.İsmayılov adına 6 nömrəli məktəb-lisey, “Zəngi” liseyinin) üzrə isə müsabiqənin keçirilib-keçirilməməsi müraciət sayına əsasən qərarlaşdırılacaq.

 Qəbul prosesi 12 sentyabr 2025-ci il tarixində başa çatacaq.