Məşhur İsrail nəşri: Azərbaycan ABŞ-nin əsas strateji tərəfdaşı olmağa layiqdir

"Son 20 ildə İsrail-Türkiyə münasibətləri bir sıra gərginliklərə baxmayaraq, diplomatik əlaqələr heç vaxt hazırkı səviyyədə pozulmamışdı. 7 oktyabr 2023-cü il tarixində baş vermiş Həmas hücumu bu münasibətlərdə dönüş nöqtəsi olub".

Operativ Media xəbər verir ki, bu barədə Yerusəlim Post-da nəşr olunan məqalədə deyilir.

Məqalədə İsrail-Türkiyə münasibətlərində Azərbaycanın vasitəçilik təşəbbüsləri də qeyd olunub.

Nəşr qeyd edir ki, yaranmış gərgin vəziyyətdə Azərbaycan tərəfi diplomatik təşəbbüs göstərib. Türkiyə ilə “bir millət, iki dövlət” prinsipinə əsaslanan münasibətlərə malik olan Azərbaycan, eyni zamanda İsraillə də güclü strateji tərəfdaşlıq qurub: 

"Azərbaycan uzun illərdir İsrailin sarsılmaz dostudur və bu, İranla coğrafi və mədəni yaxınlığına baxmayaraq, oktyabrın 7-dən sonra belə dəyişməyib.

O, ABŞ tərəfindən əsas strateji tərəfdaş kimi tanınmağa layiqdir.

Azərbaycan münaqişələrdə vasitəçilik edir, İsraillə sıx əməkdaşlıq edir və İsrailə sadiq qaldığı kimi, Vaşinqtona da sadiq tərəfdaş olacaq", - məqalədə qeyd olunub.