"Neftçi” müdafiə xəttini gücləndirmək niyyətindədir.

Operativ Media xəbər verir ki, “ağ-qaralar” Rumıniyanın “Universitatye” (Kluj) klubundan ayrıldıqdan sonra azad agent olan Lukas Masoeronı heyətinə qatmaq istəyirlər. Amma bunu etmək asan olmayacaq.

“GSP” nəşrinin məlumatına görə, 30 yaşlı mərkəz müdafiəçisi ilə “Qaziantep”, “Fatih Karagümrük”, "Gənclərbirliyi" (hamısı Türkiyə), “Baniyas” və “Əl-Dafra” (hər ikisi BƏƏ) da maraqlanırlar.

Qeyd edək ki, Lukas Masoero başa çatan mövsümdə Rumıniya Superliqasında 36 matçda 6 qol vurub, 1 məhsuldar ötürmə edib. O, karyerası ərzində “İndependyente Rivadaviya”, “Deportivo Maipu” (hər ikisi Argentina), “Lokomotiv” (Plovdiv, Bolqarıstan) və “Nijniy Novqorod”(Rusiya) klublarında da oynayıb.