"Fənərbaxça" serbiyalı müdafiəçi ilə yollarını ayırdı

"Fənərbaxça" ötən mövsüm komandada icarə əsasında çıxış edən sol cinah müdafiəçisi Filip Kostiçin müqaviləsinin qarşılıqlı razılaşma ilə ləğv edildiyini Türkiyə Futbol Federasiyasına bildirib.

Operativ Media xəbər verir ki, "Yuventus"dan icarəyə götürülən Filip Kostiçin "Fənərbaxça" karyerası başa çatıb.

Filip Kostiç bu mövsüm "sarı-lacivertli" forma ilə ümumilikdə 35 rəsmi oyunda iştirak edib və bu qarşılaşmaların 28-də start heyətində yer alıb. 32 yaşlı serbiyalı müdafiəçi bu oyunlarda ümumilikdə 2501 dəqiqə meydanda olub, 2 qol və 9 məhsuldar ötürmə ilə yadda qalıb.