"Barselona" "Espanyol"un qapıçısı Xuan Qarsiyanı transfer etmək üçün razılığa gəlib.

Operativ Media İspaniya mətbuatına istinadən xəbər verir ki, ispaniyalı ilə 5 illik müqavilə imzalanacaq. "Barselona" futbolçu üçün "Espanyol"la müqavilədə nəzərdə tutulduğu kimi 25 milyon avro ödəyəcək.

2024/25 La Liqa mövsümündə Qarsiya 38 matçda 51 qol buraxaraq 8 oyunda qapısını təmiz saxlayıb.

Qarsiyanın "Espanyol"la müqaviləsi 30 iyun 2028-ci ilə qədərdir.

"Transfermarkt"in məlumatına görə, 24 yaşlı qolkiperin qiyməti 20 milyon avrodur.