Sanço "Mançester Yunayted"dən ayrılacaq

"Mançester Yunayted"in vingeri Ceydon Sanço klubu tərk edə bilər.

Operativ Media xəbər verir ki, bu haqda jurnalist Nikolo Şira məlumat yayıb.

Mənbənin məlumatına görə, 25 yaşlı ingilis "Çelsi"də icarə əsasında oynadıqdan sonra "Mançester Yunayted"ə qayıdacaq, lakin "Mançester"də oynamayacaq. Futbolçu ilə "Aston Villa" və "Qalatasaray" maraqlanır, lakin futbolçunun yüksək maaşı klubları fikrindən daşındıra bilər.

"Çelsi" 2024-cü ilin yayında "Mançester Yunayted"dən icarə əsasında Sançonu transfer edib. O, komandanın heyətində 41 oyuna çıxıb, 5 qol vurub və 10 məhsuldar ötürmə edib.

"Transfermarkt" onun bazar dəyərini 28 milyon avro qiymətləndirir.