Özbəkistan futbol millisi ilk dəfə Dünya çempionatının final mərhələsinə yüksəlib

Özbəkistan futbol millisi 2026-cı il dünya çempionatının final mərhələsinə vəsiqə qazanıb.

Operativ Media xəbər verir ki, bu ölkənin futbol tarixində ilk dəfədir ki, milli komanda mundialda çıxış edəcək.

Özbəkistan yığması öz qrupunda 18 xal toplayaraq ən azı ikinci yeri təmin edib və beləliklə, dünya çempionatına vəsiqə qazanıb.

Xatırladaq ki, dünya çempionatının final mərhələsi 2026-cı ilin 11 iyun - 19 iyul tarixlərində 48 komandanın iştirakı ilə ABŞ, Meksika və Kanadada keçiriləcək.