"Biz davamlı və uzunmüddətli atəşkəsə hazır idik. Biz 30 günlük atəşkəsə də hazır idik. Biz liderlər görüşənə qədər də atəşkəsə hazır idik".
Operativ Media xəbər verir ki, Ukrayna Prezidenti Volodimir Zelenski öz sosial şəbəkə hesabında belə yazıb.
O bildirib: "Biz göydə, yerdə, suda atəşkəsə hazır idik. Heç olmasa, nədənsə başlamağa və Tramp administrasiyasının bu və ya digər nümayəndəsinin bu və ya digər formada hər iki tərəfə təklif etdiyi hər şeydən başlamağa hazır idik - biz bütün təklifləri dəstəklədik. Rusiya isə bir təklifi də dəstəkləmədi".
