Amerikanın OpenAI şirkətinə məxsus ChatGPT çat-botunun istifadəçiləri dünən texniki problemlərlə qarşılaşıblar.

Operativ Media xəbər verir ki, bu barədə DownDetector.com saytı məlumat yayıb.

Məlumatda bildirilib ki, platformada səhv göstəricilərinin artdığı müşahidə olunur.

 Google axtarış sistemində çat-botun nasazlığı ilə bağlı 500 mindən çox axtarış sorğusu qeydə alınıb.

Sosial şəbəkələrdə istifadəçilər kütləvi şəkildə ChatGPT-dən istifadə edə bilmədiklərindən şikayətləniblər. Bəzi istifadəçilər bu problemi iş və dərs prosesində ciddi çətinlik kimi qiymətləndiriblər. 

OpenAI-nin saytında qeyd olunub ki, hazırda çat-botun demək olar ki, bütün komponentləri normal rejimdə işləyir. Lakin səsli rejimdə istifadə zamanı hələ də müəyyən səhvlər müşahidə olunur və bu istiqamətdə işlər davam etdirilir.