Serbiya Kiyevə dəstək məqsədilə Ukraynada bir və ya iki şəhəri və ya kiçik bir regionu bərpa edəcək.

Operativ Media xəbər verir ki, bu barədə Serbiya prezidenti Aleksandar Vuçiç “Ukrayna – Cənub-Şərqi Avropa” sammitində (Odessa) çıxışı zamanı bildirib.

“Mən istəyərdim, cənab prezident Zelenski, sizin dəstəyinizi alım ki, biz bərpa edə biləcəyimiz bir və ya iki şəhəri, yaxud kiçik bir regionu müəyyənləşdirək,” – deyə Vuçiç təklif edib.

Serbiya prezidenti əlavə edib ki, bu cür təşəbbüslər, humanitar yardım və digər məsələlər, o cümlədən ərazi bütövlüyünə siyasi dəstək baxımından olduqca vacibdir.