Beynəlxalq Atom Enerjisi Agentliyinin (MAQATE) rəhbəri Rafael Qrossinin fikrincə, İsrail hücuma keçəndə İran nüvə bombası hazırlamırdı.

Operativ Media xəbər verir ki, o, bu barədə “La Nacion” qəzetinə verdiyi müsahibədə bildirib.

“Bu məqamda cavab "yox"dur. Amma buna gətirib çıxara biləcək çoxlu elementlər mövcud idi”, – deyə Qrossi, İranın nüvə bombası hazırlayıb-hazırlamadığı sualına cavab olaraq qeyd edib.

Qrossi, həmçinin İranın nüvə bombası yaratmasının nə qədər vaxt aparacağına dair fərziyyələrlə bağlı xəbərdarlıq edib:

“Biz xronoloji məsələlərdə çox ehtiyatlı olmalıyıq. Hamımız İraqa silahlarından istifadə etmək üçün guya 45 dəqiqə lazım olduğu barədə faciəvi bəyanatı xatırlayırıq...”, – deyə MAQATE rəhbəri əlavə edib.